A cervexa non é só unha bebida; é un alimento fermentado que nos conecta co fascinante mundo dos fungos e das bacterias e coa comunidade que nos rodea.

O sistema alimentario industrial está a poñer en risco tanto a saúde das persoas como a do planeta. Pero nas nosas mans está a elección: decidir que consumimos e opoñernos de maneira consciente á monotonía de sabores e experiencias alimentarias que se está a estender polo mundo coma unha manta uniforme e gris.

Definímonos como independentes dun sistema económico que busca converternos en simples consumidores pasivos. Pola contra, apostamos por crear produtos únicos, expresións auténticas de quen somos e do noso lugar de orixe.