TAP HOUSE: O LIRIO VERMELLO
Situado no corazón de Cangas do Morrazo, O LIRIO VERMELLO é o noso TAP HOUSE, un espazo dedicado á venda das nosas cervexas artesás, coidadosamente elaboradas e de proximidade. É o noso medio de vida e, por iso, poñemos especial énfase en ofrecer
só o mellor.
Aquí poderás gozar de todas as nosas variedades frescas e de barril, cervexas exclusivas de edición limitada, parte da nosa serie Small Batch, que só están dispoñibles no noso local, íntimo e único no seu contorno.
Mantémonos completamente independentes das cervexeiras industriais, sen contratos de exclusividade.
Nun mercado dominado por grandes corporacións, a nosa independencia é unha excepción, e por iso decidimos abrir este espazo: unha extensión cálida da nosa casa, para manter unha presenza auténtica e digna no mercado, honrar a nosa tradición e asegurar un futuro sostible baseado nunha economía circular e na
soberanía alimentaria.
Grazas polo teu apoio e por formar parte desta comunidade que valora o auténtico, artesanal, alternativo e diferente.
